“Gjasat të mos ndodhë koalicioni me LVV-në, janë zero”

22:56 | 16 Dhjetor 2019
Arbresh Info

Kryetari i Pejës dhe anëtari i Kryesisë së LDK-së, Gazmend Muhaxheri, në “Debat Plus” me Ermal Pandurin në RTV Dukagjini, ka thënë se deri me 26 dhjetor koalicioni me Vetëvendosjen është i kryer.

Ai ka thënë se gjasat për të mos ndodhur koalicioni janë zero

Anëtari i Kryesisë së LDK-së, ka thënë se derisa LDK nuk e di ende kush do të jetë kandidat për president nuk mund t’ia jap emrin as Vetëvendosjes.

Kryetari i Pejës thotë se potencialisht edhe ai vetë mund të jetë njëri nga kandidatët për president nga LDK-ja.

“LDK nuk po insiston në emra për president, por insiston për postin e presidentit”.

Ai ka konfirmuar se LDK-ja do të merr Ministrinë e Punëve të Brendshme, Ministrinë e FSK-së, Ministrinë e Arsimit, Ministrinë e Bujqësisë dhe Ministrinë e Planifikimit Hapësinor dhe Infrastrukturës.

 

Shpërndaje në rrjete sociale

Lajmet më të lexuara

Të ngjashme

Foto lajm